<?xml version="1.0" encoding="UTF-8"?><song><aka>Chisʋs im okla talaia pia hʋt</aka>
<author>Alfred Wright</author>
<hymn_number>63</hymn_number>
<time_sig>11.11.11.11.</time_sig>
<lyrics>[V1]
 Chisʋs im okla talaia pia hʋt,
 Yakni 'chukma ʋba pin talaia ka,
 Ia hosh il a̱ya kʋt, okla puta
 Piba fohka hokbano, il ahnishke.

[V2]
 Hatak yoshoba hʋchia hatukmʋt,
 Nanta katihmi ho̱ hʋchilla chi̱ cho?
 Himak nitak fehna kʋno Chisʋs a̱
 Pit hʋsh pesa cha, hʋchi okcha̱yashke.

[V3]
 Chisʋs oka hʋchik anukchetokmʋt,
 Chekosi luak a moshola he mʋt
 Iksho hona ont iba chukoho̱wʋt,
 Isht a chilbaiyʋsha na bilia he.

[V4]
 Hatak yoshobat oh okcha, oh okcha!
 Chihowa yʋt hʋchi hoho̱yo ta̱kla
 Himonasi fehna kia, wakayʋt,
 Hʋchi Okchalinchi a̱ hʋsh hoyashke.

[V5]
 Amba, Chisʋs oka ke hoyo kiá,
 Hʋsh achikma, nishkin okchi mihintit,
 Atuklant ishtaiyopi fehna hona
 E chi hoho̱yo pulla mak inlashke.

[V6]
 Atukmʋt Chisʋs ʋt na̱ chim apesʋt,
 &quot;Oh ia cha, luak ataha iksho
 Oh iba chukowa,&quot; chim achikmʋno,
 Ʋlhpiesa, e chim ahna hi oke.</lyrics>
<title>The Christian's love for Sinners ƲIT63</title>
</song>